Tshahitsi Lifestyle Lodge, Upington – lafenis langs Oranjerivier
Tshahitsi Life Style Lodge in Upington Is ’n plek van ontspanning en dit word dikwels gebruik as oornagplek van en na die Kalahari – daarom is dit vernoem na ’n Khomani San-gesegde ‘sien jou weer’, want die span by Tshahitsi Lodge is altyd reg om besoekers terug te verwelkom.
As jy Upington inry vanaf Johannesburg of Olifantshoek se kant, sal die 4-ster Tshahitsi Lodge jou eerste stop wees vir rus, goeie kos en reisinligting.
Tshahitsi Lodge bied ten volle toegeruste selfsorg-akkommodasie wat slaapplek bied vir 2 tot 6 persone en elke eenheid het lugversorging, DStv asook binne en buite kombuisfasiliteite. Daar is ook ‘n gesellige stoep met ’n braaiplek.
’n Rolstoelvriendelike eenheid is ook beskikbaar met maklike toegang na die wooneenheid vanaf die parkeerarea – dit het ‘n egalige oprit wat rolstoelvriendelik is. Daar is meer as voldoende ruimte in die slaapkamer met toegang tot ‘n kas asook ‘n studeertafel. Die badkamer is baie ruim vir die bewegings van ‘n rolstoel en daar is ‘n oopplan-stort vir inry gemak. Die krane is almal hefboomkrane en die verstelbare handstort en ‘n stortstoel is daar vir die gebruiker se gemak. Die kombuis-area is rolstoelvriendelik en daar is ‘n sementpaadjie wat lei na die Silver Spoon Bistro met ‘n oprit om die Lodge se fantastiese ontbyt te kan gaan geniet.
Tshahitsi Lodge bied ook die volgende: braaipakke, tuisgemaakte sosaties, ys, kameeldoringhout, gebottelde water, ten volle gelisensieer, wasgoeddiens, motorwas, oornag grootmaat vriesfasiliteite, braaigeriewe, swembad, mense-grootte skaak, wildlewe op die perseel en 24-uur sekuriteit. Gaste het toegang tot gratis Wi-Fi.
Tshahitsi Lodge is ook toegerus met ‘n konferensielokaal wat gaste ‘n 5-ster konferensie-ervaring bied met nuutste tegnologie, luukse meubels en dekor.
By Silver Spoon Bistro wil ons seker maak dat ons u ontbytgeregte van hoë gehalte bedien en uitstekende diens saam met ons behulpsame personeel lewer. Op die spyskaart is ‘n wye verskeidenheid kulinêre lekkernye en voortreflike koffie om ‘n mens te vul voor die dag wat vir jou, jou vriende en familie voorlê. Met die luukse ontbytkonsep sal gaste meegevoer word deur die rustigheid van die plaasstyl-omgewing met wild wat vryloop rondom die Bistro. Dit maak Silver Spoon Bistro die perfekte plek om ‘n uitstekende ontbyt te eet en wonderlike diens by ‘n wonderlike en unieke venue te ontvang.
Besoek die gewilde Red Ox Restaurant met panoramiese uitsig oor die Oranjerivier, waar tradisionele Suid-Afrikaanse disse bedien word. Die Red Ox bied tydlose elegansie. ‘n Verskeidenheid A la carte-spyskaartopsies maak voorsiening vir alle klante. Red Ox bied wêreldklas diens van hul vriendelike personeel, plaaslik verkrygde maaltydopsies en ‘n sjef met hoogs gekwalifiseerde kombuispersoneellede – wat dit ‘n kulinêre fees maak wat ‘n mens nie sal vergeet nie. As jy ‘n natuurliefhebber is, sal ons buite-dekarea jou perfek pas. Kyk na die sonsopkoms met ‘n heerlike ontbyt en aromatiese koffie te bekyk of die sonsondergang met ‘n heerlike skemerkelkie langs die rivier te geniet, sal ‘n onvergeetlike ervaring wees. ‘n Tiensitplek privaat area vir byeenkomste en vergaderings is beskikbaar in die raadsaal, ons spesialiseer ook in klein geleenthede soos intieme troues, verjaarsdae en vele meer, ons funksiekoördineerders is altyd bereid om te help.
Die Red Ox is nie net vir gaste wat by Tshahitsi oorbly nie, maar oop vir enige besoekers wat Upington aandoen.
As jy nog altyd daarvan gedroom het om ‘n bootrit te neem, word jy na die Oranjerivier genooi. Riviervaarte is slegs 0,8 km vanaf Tshahitsi Lodge, jy kan ‘n wye verskeidenheid voëls en wild sien, ‘n ervaring wat jy nooit sal vergeet nie.
Besoek die Kalahari-Oranje Museum wat bestaan uit ’n witgekalkte geboue wat in die 1870’s deur die dorp se eerste sendeling, Christiaan Schröder, opgerig is. Dit het landbou- en plaaslike geskiedenisuitstallings, minerale versamelings en San-artefakte. Buite is die brons Donkiemonument ‘n bewys van hierdie diere se rol in die ontwikkeling van die Benede-Oranjeriviervallei.
Tel: 054 333 1126
info@tshahitsilodge.co.za
www.ncfamouslodges.com/tshahitsi-lodge/
Visit NC Famous Lodges
